الفرق بين تعامل الرجل الغربى والرجل العربى مع المرأة

السلام علييكم ورحمة الله وبركاته

الفرق بين تعامل الرجل الغربي والرجل العربي مع الزوجة

مواصفات الرجل في شريكة حياته ..

الرجل الغربي يريدها مثقفه.. واعية.. ناضجه.. متفهمه.. ينسجم معها

الرجل العربي يريدها جميله .. طويله.. بيضا.. شعرها طويل وناعم

اذا اراد الرجل التقرب من امراه ..

الرجل الغربي.. يبين لها انه مثقف ويحترم ويقدر المرأه

الرجل العربي يبين لها انه انسان خبرة ويعرف عشرين بنت غيرها

اذا تحدثت امرأه غريبه لرجل ماذا يلفت انتباهه

الرجل الغربي.. ينظر الى عقليتها وطريقة تفكيرها واسلوبها

الرجل العربي ينظر الى جسمها وشكلها

متى يقول الرجل احبك لزوجته

الرجل الغربي .. في الصباح وعند الخروج من المنزل وعند الاكل وقبل النوم

الرجل العربي في اول يوم زواج ويجيبلها ورقه توقع عليها انه قالها وكل ماقالتله انت ماتقوللي كلام حلو يطلعلها الورقه ويقول تنكرين ؟

كيف يتعامل الرجل مع زوجته وهم بالسياره

الرجل الغربي يمسك يدها بحنان وينظر اليها بين فتره وفتره ويبتسم لها ويضحك معها

الرجل العربي يتكلم بالجوال ويناظر الفرامل يفكر يفرمل بقوه عشان يخبط راسها بالقزاز

اذا زعلت الزوجه و زوجها حب يراضيها

الرجل الغربي يحضر لها باقة ورد.. او يعزمها بمطعم

,,,,*الرجل العربي يقول لها باعلى صوته.. انتي وبعدين معك كل يوم زعل زعل ويجي يدفشها مع كتفها وهو معصب ويقول خلاص انتى حرة ,,,,,,,,

اذاتحدثت المرأه بالاسهم.. او بالفتبول او بالمشاريع

الرجل الغربي .. ياخذ ويعطي معها بالكلام ويناقشها

الرجل العربي شو فهمك انتي قاعده تتفلسفي فيها اتركي المواضيع للرجال

اذا تغدا الرجل في المنزل وانتهى من غداه

الرجل الغربى ..يلم الاطباق مع زوجته ويغسلها معاها كمان

الرجل العربي يتمدد على الكنبه ويقوللها جيبيلي الشاى بسرعه

اذا دخل الرجل على زوجته وهي تشتغل في البيت

الرجل الغربي يقبل رأسها ويقول لها ارتاحي قليلا ويكمل هو باقي الشغل

الرجل العربي انتي للدلوقتى ماخلصتيش خلاص انا هانزل لحد ما تخلصي وارجع

وطبعا أنا راجل عربى مية بالمية

فعلا ده اللى بيحصل

ولو ان اقلية بدأوا يتغيروا للاحسن

ولكن سيظل الرج لالعربى عربى شرقى

سى السييييييييييييد

كل الشكر عربى على الطرح الراقى

بس فى كل الاحوال
المرأه العربيه تقبل الرجل الشرقى

ولاتقبل بغيره

لانه فى النهايه حتى لو فيه تقدير
فهو مزيف
فالمعامله بالمثل
مش بيقولوا مفيش فرق بين رجل وامرأه

لكن ربنا يخليلنا عاداتنا وتقاليدنا

كل التحيه ..

شكرا ياجماعة على مروركم

موضوع رائع يا عربى
تسلم إيديك

ياعم الكلام اللي انت بتقوله ده
لما يكون توم كروز معجب بنيكول كيدمان وعايز يقرب منها بأي شكل
فيضطر يبينلها إعجابه بثقافتها وعقليتها وانه مش واخد باله خالص من جمالها المبهر ولا من قوامها اللي في منتهى الرشاقة
ودا كله عشان يحاول يبينلها إنه مختلف عن الرجالة التانيين الوحشين اللي كل همهم الجمال والجسم وبس
بس مبتاخدش بالك في أول يوم بيكلمها ويبدي لها إعجابه بثقافتها وعقليتها إيه اللي بيحصل في آخر اليوم
يا إما بيبات عندها يا إما بتبات عنده أو أضعف الإيمان بيبوسوا بعض ودا بس عشان لسه عارفين بعض النهارده لكن بكره مفيش مانع يباتوا مع بعض
وطبعا عشان يستمر في العلاقة دي لحد ما يزهق لازم يقدم فروض الولاء والطاعة وهي إنه يطبخ معاها أو يطبخلها ويشيل الطباق ويغسلها كمان وبالعكس ممكن هي تمدد بعد الأكل وتقوله الشاي بسرعة ويقولها حاضر يا حبيبتي
وطبعا يهريها كلام حب ليل ونهار ويمسك إيدها بمنتهى الرقة بمناسبة وبدون مناسبة
لكن تقولي الرجل الغربي في جوازه بيعمل كده هقولك لأ
لو الراجل الغربي بيعمل كده مكانتش الدول الغربية مليانة بقضايا الطلاق والمشاكل بين المتزوجين والخيانة اللي منتشرة عندهم زي المية والهوا كده
وهقولك على حاجة كمان المرأة الشرقية هي السبب في سطحية تفكيرها واضمحلال ثقافتها
الست عندنا هي الست وكل اللي بتفكر فيه إنها تبقى جميلة إزاي وتلفت الانتباه إزاي
وبرضوا مفيش حد بيحترم المرأة في العالم كله زي الرجل العربي
الرجل الغربي لما الست بتخلف وشكلها بيتغير ومسئوليته بتكبر بالتربية والرعاية
بيبتدي يبص بره دا لو مبصش قبل كده فعلا ويبتدي يتهرب من المسئوليه ويهمل بيته وزوجته مع العلم إن قدراته المادية عالية جدا
لكن الرجل الشرقي بيحب مراته وبيزيد حبه ليها بعد ما يخلفوا وبيزيد تعلقه بالبيت وبيتحمل مسئولية بيته للنهاية
مع العلم إن إمكانياته المادية لا ترقى بأي حال من الأحوال لمستوى أقل رجل غربي ماديا
وطبعا مش هقولك الحياة وردي والجو ربيع لأ مفيش بيت مفيهوش مشاكل ودا ظاهرة صحية في البيوت بشرط إن المشاكل متخرجش بره البيت ويتم احتوائها بين الزوجين
لكن الكلام اللي انت قلته ده الرجل الغربي بيعمله آه بس في الأفلام
أو في المشمش
معلش أنا كتبت كلام كتير وطولت لكن والله لسه في كلام كتيير بس مش هينفع أطول أكتر من كده
كل اللي انا كتبته ده بسبب إن الأفكار اللي بتنتشر بينا زي الموضوع اللي انت جبتهلنا ده
أفكار مدسوسة علينا عشان تقلل من قدر الرجل الشرقي ومن ثقافته ومن احترامه للمرأة
وللخلط بين واجبات الرجل والمرأة ولنشر الشعور بعدم الرضا بين النساء الشرقيات لأنهم هيتخيلوا إن ده الصح
مع العلم إن الكلام ده مش صحيح
وأحب أقولكم شوفوا أجدادنا وجداتنا وآباءنا وأمهاتنا واتعلموا منهم المفيد
مش تتعلموا من الغرب لأن الغرب هو اللي طول عمره كان بيتعلم مننا بس للأسف إحنا وقفنا وهما تقدموا علينا
لكن الأصل عندنا احنا
وشكرا عربي على الموضوع الجميييل ده