لكل عشاق الرجل المستحيل بس على طريقتنا
أولا التعريف بالبطل:اسمه جعيدى بسطاويسى جعيدى
سنه 50 عاما
طوله مترين فى عين العدو
وزنه حتى الان لم تتم القدره على قياسه
قصته
كان الحاج بسطاويسى منذ عهده وهو يعشق مصر وكان يعتبر من اروع رجالتها فى المخابرات للأسف
ومستعد للتضحيه بالجاموس اللى عنده من اجلها
كان يمتلك الكثير من المهارات اللى تجعله من افضل رجال المخابرات فى العالم
ولكن لضيق الوقت
لم يستطع ان ينميها
لغايه مادخل بيت العدل
تفيده بنت برعى
جارته
وحبه القديم
قصه حب عنيفه مدمره طاحنه جمعت بينهم
ادت قبل الجواز الى موت حوالى 563 شخص
*ده لو بيحب فى تور ماكانش تمن العدد ده مات*
المهم
بعد اربع شهور ونص
انجبو طفلهم الوحيد
هاتسألوا ازاى 4 شهور ونص
هقولكم
هو متجوزها من 4 شهور ونص
هى متجوزاه من 4 شهور ونص
يعنى الاجمالى 9 شهور
يارب تفهموا
وكان بسطاويسى يحب ابوه
فاسماه جعيدى
واصبح اسمه
جعيدى بسطاويسى جعيدى
كان امل بسطاويسى فى ان يضع كل امكانياته فى ابنه
وان يجعله الرجل الخارق
فبدأ من اول شهرين وهو لسه بيوأوأ
بتدريبه على اقصى واصعب الظروف
وتنميه مهارات جعيدى
فاستطاع جعيدى بسن الثانيه ان يتحدث باربع لغات
وفى الخامسه كان يقفز بالمظلات
وبالسابعه كان يقود جميع انواع المواصلات
من اول الفانتوم لغايه التوك التوك والكارو
وفى العاشره كان يتنكر بمهارده شديده
حتى انه قبل كده اتنكر زى الجاموسه اللى عندهم ومن شده براعته ابوه احتار فيهم
وعندما وصل لسن الثانيه عشر
كان جعيدى يستطيع ان يستخدم جميع انواع الاسلحه
وبسن ال15 كان يجيد جميع انوا القتال
وكان يتقنها بشده
حتى ان بسطاويسى اراد انا يجعله ملك فى الكونغ فو
فوداه معبد الكونغ فو فى هضبه التبت
وجه خده بعدها بسنه
بس بيقولو المعهد قفل بعدها
هاموت واعرف ليه
وكان يجيد القتال بالنبوت
وعندما فاز ببطوله القريه فى قتال النبوت
ابوه جابله واحده اديداس
وببلوغه ال18
كان جعيدى يتقن نصف لغات الارض ولعب الطاوله
دخل الكليه الحربيه وتخرج منها لينضم لقوات الصاعقه
ونظرا لامكانياته الهائله
اختارته المخابرات ليكون رجلها الاول
فهو رجل
لا يعرف المستحيل
لا يعرف الخوف
لا يعرف الرعب
لا يعرف شئ
لذلك اعتطه المخابرات لقي
ج-563
ج اختصار جعيدى
والرقم ده يرمز لضحايه الحب اللى كان بينه وبين تفيده
انه جعيدى بسطاويسى جعيدى
حقا انه جعيدى بسطاويسى جعيدى
الأحد أبريل 11, 2010 5:39 pm
