| | كريم على كرسى الاعتراف |  |
|
+19الحب الحقيقى peacock khaled bdwy خالد بدوى ايمى بونجة ابو الفوارس fix كريم محمود الايوبى elaraby2009 fairoz_gh ramez ramy el-maghraby Totti_1eg shaheen_1eg Serious ahmed elattar LOLO ضى القمر 23 مشترك |
|
| كاتب الموضوع | رسالة |
|---|
كريم
مشرف
Posts : 104
Reputation : 10
Join date : 26/06/2009
Age : 43
| موضوع: رد: كريم على كرسى الاعتراف  الأربعاء سبتمبر 16, 2009 5:14 pm | |
| - خالد بدوى كتب:
- احلى موقف فى حياتك واسؤ موقف فى حياتك واحلى شخصية بتحبها واسؤ شخصية بتحبها واحلى اكلة بتحبها واسؤ اكلة واصعب لحظة مرت فى حياتك
ازيك يا خالد ... ايه اخبارك وحشني يا راجال ..زز وشكرا على اهتمامك ومشاركتك بالنسبة لأحلى موقف في حياني : بصراحه هما كذا موقف بس الاحلى واللي اول ما قرأت السؤال على طول جه في زهني هو ميلاد بنتي نور اسوء موقف في حياتي : هو وفاة والدي وانا كنت على خلاف معاه وكان في شعور من جوايه عمال يقوله ان اصالحه لكن الكبر عماني
ومحستش بقيمته ولا بغلاوته إلا لما مات وللأسف مكنتش صلاحته ( اللهم اغفر له وأرحمه ..... وأسألكم الدعاء له )
وجزاكم الله خيراً . أحلى شخصيه بتحبها : على الوجه العام شخصية عمرو خالد من اجمل الشخصيات اللي بحبها جدا وبحترمها أما على الشكل الشخصي فأنا بحب اثنين صحابي جدا وقدرش استغنا عنهم هما أولا : محمد عمار ثانيا : حامد ثالثاً:أحمد العطار انا بحبه جده رغم اني معشرتهوش كتير بس بدون مجامله هو حد جميل جدا اخلاق جدا عنده قدره على العطاء ملمستهاش في حد قبل كده وكان نفسي نبقى صحاب بس هو مشغله كتير وعلى فكره في حد تاني بحبه جدا لكن
مش هقدر اقول اسمه وهو اكيد هيعرف لوحده اما بالنسبة لأسوء شخصية ( بحبها ) فطبعاً يا خالد مفيش حاجه اسمها كده ازاي اسوء شخصيها وهحبها اكيد انتا قصدك مبتحبهاش وطبعا كل من له سلطه وبيتحكم في رقاب البشر بكره والحدق يفهم . اما بالنسبة لأحلى اكله بحبها : هي الكشري المصري - سندوتشات الفول والطعمية كده يعني ده انا حتى صحابي واخواتي بيقولي عليه فقري اوحش اكله : طبعا الكوسه وعلى فكره انا مبحبهاش في الأكل وفي الحياه كمان . هههههههه أصعب موقف : لما بصيت في وجه والدي بعد ما مات وحسيت اني قصرت في حقه وكلمته وكان نفسي يسمعنى . | |
|
| | |
كريم
مشرف
Posts : 104
Reputation : 10
Join date : 26/06/2009
Age : 43
| | موضوع: رد: كريم على كرسى الاعتراف الأربعاء سبتمبر 16, 2009 5:18 pm | |
| - ahmed elattar كتب:
يا جماعة كريم صريح جداً عايزينه يبطل الصراحة دى فين الأسئلة الجامده 
ليه كده بس يا مستر أحمد ما الطيب احسن ما انا برضو ممكن اكدب
| |
|
| | |
كريم
مشرف
Posts : 104
Reputation : 10
Join date : 26/06/2009
Age : 43
| | موضوع: رد: كريم على كرسى الاعتراف الأربعاء سبتمبر 16, 2009 5:34 pm | |
|
كيمو
اكتر موقف بكيت فيه؟
ندمت فيه؟
امتى كريم بيحس بتأنيب الضمير؟
ايه اللى بيدور فى دماغك فى الوقت ده حاااااااااالا
ايه السؤال اللى مش حابب انك تتسأله ؟
ايه الحاجة اللى نفسك تعملها وتوصل ليها ومش عارف؟
كلمة واحدة بس تقولها لمين وهيا ايه الكلمة اصلا؟
فاصل تانى
أكثر موقت بكيت فيه : الصراحه هما موقفين الاول يوم ما حببتي أو اللي كنت فاكر انها حببتي سبتني والثاني يوم وفاة والدي
أكثر موق ندمت فيه : زي ما قلت قبل كده انه قبل وفاة والدي بأيام كان في حاجه جوايه عماله تقولي اتصل بيه وكلمه وصالحه بس انا للاسف
معملتش كده وللاسف مات وكنت ندمان جدا اني مكلمتوش وصدقت الاحساس اللي جوايا .
بحس بتأنيب الضمير : لما بعمل حاجه غلط رغم اني كتير برضو بعملها وبعد ما بعملها بكره نفسي
اللي بيدور في دماغي دلوقتي حالا : أن انا زهقان ومش طايق اعقد في البيت بس مش عارف اروح فين
السؤال اللي انا مش حابب اتسأله : كتير فعشان كده مش هقولهم بصراحه . أصل أان حدق انتي عارفه
الحاجة اللي نفسي اعمالها ومش عارف : هو اني ابقى غني .
كلمة واحده بس : بحبك ولمين : لبنتي نور [/size] [/size] | |
|
| | |
الحب الحقيقى
عضو نشيط
Posts : 11
Reputation : 10
Join date : 15/09/2009
Age : 44
| | موضوع: رد: كريم على كرسى الاعتراف الأربعاء سبتمبر 16, 2009 7:11 pm | |
| ايه رايك فى الحب ؟؟؟؟
ايه رايك فى الجواز واخباره ايه معاك ؟؟؟
بتنصح الجميع انهم يتجوزو والا اية رايك ؟؟؟
اكتر شخصية بتحبها فى الحياه العامة ؟؟؟ | |
|
| | |
الحب الحقيقى
عضو نشيط
Posts : 11
Reputation : 10
Join date : 15/09/2009
Age : 44
| | موضوع: رد: كريم على كرسى الاعتراف الأربعاء سبتمبر 16, 2009 7:17 pm | |
| على فكرة نسيت اسال عن الشخصية اللى بتحبها ومش عايز تقول عن اسمها ؟؟؟؟؟؟؟؟؟
وبصراحة
والبقية تاتى | |
|
| | |
كريم
مشرف
Posts : 104
Reputation : 10
Join date : 26/06/2009
Age : 43
| | موضوع: رد: كريم على كرسى الاعتراف الأربعاء سبتمبر 16, 2009 7:49 pm | |
| - الحب الحقيقى كتب:
- ايه رايك فى الحب ؟؟؟؟
ايه رايك فى الجواز واخباره ايه معاك ؟؟؟
بتنصح الجميع انهم يتجوزو والا اية رايك ؟؟؟
اكتر شخصية بتحبها فى الحياه العامة ؟؟؟ شكرا على اهتمامك
رأيي في الحب : من العجيب أننا بالحب نحيا والحياه وبدون حب قد نحيا وقد نموت ولا ندري إننا عشنا الحياة
رأيي في الجواز : أجمل حاجه في الدنيا بس المهم يكون اختيار شريك الحياه جيد
اخباره معايا : يعني زي اي حد يوم عسل ويوم صل واهي ماشية
انصح بأيه : انا في رأيي الشخصي ان دي فروق فرديه يعني مش اي حد ممكن يعيش من غير جواز ومش اي حد ممكن متجوز يعني على
حسب الشخص نفسه لكن انا رأي ان مفيش احلا ن الحريه ( بس خيها في سرك )
اكتر شخصية بحبها في الحياه العامة : عمرو خالد ...... رغم أني مبعملش اي حاجه من اللي بيقول عليها ...... لكني شايف انه من اعظم
شخصيات اللي جت في تاريخ مصر .... لأنه أنسان عنده هدف وبيسعى انه يحققه ممها كانت الصعوبات اللي بيوجهها ...... مين فينا يقدر يعمل كده افتكر محدش كلنا بنحلم وبنفكر وبنخطط وبس مبنعملش حاجه تاني وده عيب في الجيل كله مش فيه انا بس وبرضو عشان منظلمش الشباب في معوقات خارجيه كمان بس احنا علينا العامل الأكبر .
أما للشخص اللي بحبه : لو كنت عايز اقول اسمه كنت قولته ( مش كده ولا ايه ) معلش سامحيني مش هقدر اقوله .
| |
|
| | |
الحب الحقيقى
عضو نشيط
Posts : 11
Reputation : 10
Join date : 15/09/2009
Age : 44
| | موضوع: رد: كريم على كرسى الاعتراف الأربعاء سبتمبر 16, 2009 8:13 pm | |
| احلى واجمل يوم عندك ؟؟ ولية ؟؟
الشخص اللى يرى دموعك ؟؟؟
اغلى انسان عندك واغلى انسانة ؟؟؟
مين مثلك الاعلى ؟؟؟ ولية ؟؟؟
وللحديث بقية | |
|
| | |
elaraby2009
مشرف
Posts : 1172
Reputation : 19
Join date : 06/05/2009
Age : 38
Location : el arish - egypt
| | موضوع: رد: كريم على كرسى الاعتراف الأربعاء سبتمبر 16, 2009 11:37 pm | |
|
كريم
ايه حكاية البنت ألى كنت بتحبها فى الجامعة دى ؟
ومين السبب فى الفراق؟
شخصية أثرت فى كريم بالسلب ؟
لو قلت حسبنا الله ونعم الوكيل تقولها لمين ؟
أكتر حاجة ممكن تزعلك فى الدنيا ؟
حاجة بتخاف منها ؟
أسم الدلع بتاعك وانت صغير ؟
موقف صعب حصل بينك وبين واحد صاحبك ؟
| |
|
| | |
ضى القمر
مراقب عام
Posts : 848
Reputation : 9
Join date : 19/04/2009
| | موضوع: رد: كريم على كرسى الاعتراف الخميس سبتمبر 17, 2009 5:57 am | |
|
كيمووووووووو ازيك واخبار الكرسى معاك ايه
يا رب تكون مرتاح
نبطل رغى بقى ونرجع للاسئلة
/
/
/
/
/
/
/
/
/
/
/
/
/
الانسانة اللى كنت بتحبها
لو رجع بيك الزمان
ومسبتوش بعض او رجعتم لبعض
كنت هتكمل معاها ؟ بصراحة!!
ايه اللحظة اللى كريم منتظرها ؟
لو بايدك ترجع الزمان للخلف شوية
ايه اللى ممكن تصلحه ؟
ايه الاغنية اللى لما بتسمعها بتأثر فيك اوى وبتحكى عن حاجات جواك؟
كلنا بنحس فى بعض الاحيان شعور بالخوف
كريم امتى بيحس بالخوف؟
مين اخر واحد زعلته ؟ وليه ؟ وصالحته ولا لسا؟
كفاية كده دلوقتى
| |
|
| | |
كريم
مشرف
Posts : 104
Reputation : 10
Join date : 26/06/2009
Age : 43
| | موضوع: رد: كريم على كرسى الاعتراف الخميس سبتمبر 17, 2009 2:59 pm | |
| - الحب الحقيقى كتب:
- احلى واجمل يوم عندك ؟؟ ولية ؟؟
الشخص اللى يرى دموعك ؟؟؟
اغلى انسان عندك واغلى انسانة ؟؟؟
مين مثلك الاعلى ؟؟؟ ولية ؟؟؟
وللحديث بقية احلى وأجمل يوم عندي : يوم ما شلت بنتي بين اديه بعد الولاده واذنت في ودنها ولاقيت عنيا لوحدها بتدمع من الفرحه وكان احساس مقدرش
اوصفه وكانت اول مره في حايتي عنيه دتمع من الفرحه .الشخص اللي يرى دموعك : لا أحد ( مبحبش اظهر دموعي ابداً ) أغلى انسان وإنسانه : طبعا ولدي الله يرحمه ( وللأسف محستش غلاوته إلا لما مات ) وولدتي ربنا يخليها ليه ويديها طول العمر والصحة مين مثلك الأعلى وليه : للأسف معنديش مثل أعلى ويمكن هو ده اللي مخليه حاسس انه تايه في الحياه وأفتكر أن دي مشكله جيل بحاله . ليه دي بقى عشان اسباب كتير : منها التربية الغير صحيحة ، اصبح المجتمع ضعيف وغير قادر على انتاج اي قدوه ، انعدام الخلق والمثل العليا ن انعدام الضمير ، عدم الثقافة وانحدار مستوى التعليم ، انحدار الذورق العام ........... حاجات كتير متعديش بس أهمها ( ضعف الهمه عند الشباب ) | |
|
| | |
كريم
مشرف
Posts : 104
Reputation : 10
Join date : 26/06/2009
Age : 43
| | موضوع: رد: كريم على كرسى الاعتراف الخميس سبتمبر 17, 2009 3:12 pm | |
| - elaraby2009 كتب:
كريم
ايه حكاية البنت ألى كنت بتحبها فى الجامعة دى ؟
ومين السبب فى الفراق؟
شخصية أثرت فى كريم بالسلب ؟
لو قلت حسبنا الله ونعم الوكيل تقولها لمين ؟
أكتر حاجة ممكن تزعلك فى الدنيا ؟
حاجة بتخاف منها ؟
أسم الدلع بتاعك وانت صغير ؟
موقف صعب حصل بينك وبين واحد صاحبك ؟
[/size]
عايز تعرف القصه : اقرأ قصيدة وضاع الحب في همس القوافي وانتا تعرف كل حاجه القصة بالظبط شخصية اثرت فيا بالسلب : للأسف والدي الله يرحمه لو قولت حسبنا الله ونعم الوكيل : أنا ديما بقولها على كل صاحب سلطة ومضيع حق الناس لأني أكتر حاجه بكرها في حياتي الظلم والخيانة أكتر حاجة ممكن تزعلني : قله الفلوس والنكد حاجة بتخاف منها : المسقبل ( نفسي في مستقبل حلو لأولادي ) اسم الدلع وانت صغير : ( مش عارف ليه الاحراج ده ) بس كل العيله من خلاتي وعمامي وكل العيلة من وانا صغير بيقلولي يا كوكو لغاية دلوقتي صراحه .موقف صعب حصل بيني وبين اعز صاحب ليا : ان احنا اتخنقنا ايام الكلية بسبب البنات وانا بصراحه استصغرت نفسي قوي بس الحمد لله احنا اتصالحنا في يوميها ومتكررش الموضوع ده تاني ابدا | |
|
| | |
كريم
مشرف
Posts : 104
Reputation : 10
Join date : 26/06/2009
Age : 43
| | موضوع: رد: كريم على كرسى الاعتراف الخميس سبتمبر 17, 2009 3:37 pm | |
| - ضى القمر كتب:
كيمووووووووو ازيك واخبار الكرسى معاك ايه
يا رب تكون مرتاح
الانسانة اللى كنت بتحبها
لو رجع بيك الزمان
ومسبتوش بعض او رجعتم لبعض
كنت هتكمل معاها ؟ بصراحة!!
ايه اللحظة اللى كريم منتظرها ؟
لو بايدك ترجع الزمان للخلف شوية
يه اللى ممكن تصلحه ؟
ايه الاغنية اللى لما بتسمعها بتأثر فيك اوى وبتحكى عن حاجات جواك؟
كلنا بنحس فى بعض الاحيان شعور بالخوف
كريم امتى بيحس بالخوف؟
مين اخر واحد زعلته ؟ وليه ؟ وصالحته ولا لسا؟
كفاية كده دلوقتى
بصراحة انا حاسس ان انتوا ما صدقتوا ان انا اعقد انا حاسس انه ده كمين وانتوا جبتوا كرسي على مقاسي بالظبط ولزقتوني فيه . مهو لو احنا مسبناش بعض ( والاصح ان هي اللي سابتني ) اكيد كنا هنكمل بس لو كانت بنفسفكرها اكيد مكناش هنكمل حتى لو القصة اتعادت الف مره انما لو كانت بفكر تاني اكيد كنا هنكمل او حتى لو رجعنا لبعض كنا هنكمل ايه اللحظة اللي انا متنيها : انا نفسي اسافر للخراج ودي لحظة انا مستنيها من زمان لو رجع الزمان : كنت هصلح حاجات كتير اغنية بتأثر فيا : كذا اغنية بس اللي حاضره في ذهني دلوقتي اغنية طلوع الروح الاغنية دي سمعتها قريب من حد عزيز عليا قوي واثرت فيا قوي مش عارف هتعرفوها ولا ايه امته بحس بالخوف : لما بفكر في مستقبل ولادي اخر واحد زعلته : اخويا : انا مصلحتوش بس احنا دلوقتي بكلم بعض عادي | |
|
| | |
الحب الحقيقى
عضو نشيط
Posts : 11
Reputation : 10
Join date : 15/09/2009
Age : 44
| | موضوع: رد: كريم على كرسى الاعتراف الخميس سبتمبر 17, 2009 6:46 pm | |
| كريم
اتجوزت ازاى هل حبيت والا جواز قرليب يا ترى ؟؟؟؟
مين اكتر حد وقف جنبك فى حياتك ؟؟؟؟
ابه رايك فى :
المراه
الحب
الحياه
القمر
وللحديث بقية | |
|
| | |
كريم
مشرف
Posts : 104
Reputation : 10
Join date : 26/06/2009
Age : 43
| | موضوع: رد: كريم على كرسى الاعتراف الخميس سبتمبر 17, 2009 7:08 pm | |
| - الحب الحقيقى كتب:
- كريم
اتجوزت ازاى هل حبيت والا جواز قرليب يا ترى ؟؟؟؟
مين اكتر حد وقف جنبك فى حياتك ؟؟؟؟
ابه رايك فى :
المراه
الحب
الحياه
القمر
وللحديث بقية ( ربنا يعدي الاسبوع ده على خير ) اتجوزت : عن حب أكتر شخص ساعدني : امي المرأه : المرأه كالماء رقيقه عذبه صوتها يشجيك ورأيتها تطيب بها نفسك البعد عنها يقتلك والقرب منها يغرقك الحب : غذاء الروح يقول البعض عنه هراء إنما انا أجد فيه الراحه أجد فيه الدواء دواء لكل جراح القلوب وهموم الدنيا الحياه : تعطي من لا يريد وتحرم كل محتاج القمر : هو سلوى كل عاشق وصديق كل وحيد وملجأ كل حيران وملهم كل شاعر | |
|
| | |
LOLO
عضو غير عادى
Posts : 310
Reputation : 10
Join date : 09/07/2009
Age : 28
Location : egypt - cairo
| | موضوع: رد: كريم على كرسى الاعتراف الخميس سبتمبر 17, 2009 10:13 pm | |
| كريم الكرسي مبسوط و انت قاعد عليه
اكتر قسم يعجبك بالمنتدى ؟؟
ايه هواياتك اللي بتحبها ؟؟
امتى دخلت عالم النت ؟؟
ايه أكتر عضو نفسك تشوفه ؟؟
عضو هادي بنظرك ؟؟
توجه الكلمات دي لمين ::
الله يخليك لينا ...
انا دائما من متابعيك سواء لمواضيعك او ردودك ...
عليك خفة دم ما حصلتش ...
يفتخر المنتدى بأمثالك ... فاصل و نواصل | |
|
| | |
ضى القمر
مراقب عام
Posts : 848
Reputation : 9
Join date : 19/04/2009
| |
| | |
محمود الايوبى
مشرف
Posts : 609
Reputation : 12
Join date : 15/07/2009
Age : 38
| | موضوع: رد: كريم على كرسى الاعتراف السبت سبتمبر 19, 2009 1:29 am | |
| كريم : مين اللى بتحبو من الشعراء قديم او جديد؟؟؟؟ | |
|
| | |
ضى القمر
مراقب عام
Posts : 848
Reputation : 9
Join date : 19/04/2009
| |
| | |
snow white
عضو مبتدئ
Posts : 2
Reputation : 10
Join date : 21/09/2009
Age : 39
| | موضوع: رد: كريم على كرسى الاعتراف الثلاثاء سبتمبر 29, 2009 10:39 pm | |
| اكتر حاجة بتكرهها فى نفسك
اول حاجة بتبص عليها لما تقابل شخص للمراة الاولى | |
|
| | |
snow white
عضو مبتدئ
Posts : 2
Reputation : 10
Join date : 21/09/2009
Age : 39
| | موضوع: رد: كريم على كرسى الاعتراف الثلاثاء سبتمبر 29, 2009 10:48 pm | |
| سؤالى للاستاذ احمد هو لما انتى فاضى ومبسوط زى مابتقول طب لابس دبلة فى ايدك اليمين ليه؟
ارجو الرد من غير لف ولا دوران
ارجو ان سؤالى ميكنش محرج وحتى ان كان محرج ارجو الرد
سؤال 2
ايه اول حاجة بتبص عليها فى شخص بتقابلة للمرة الاولى | |
|
| | |
الحب الحقيقى
عضو نشيط
Posts : 11
Reputation : 10
Join date : 15/09/2009
Age : 44
| | موضوع: رد: كريم على كرسى الاعتراف الأربعاء سبتمبر 30, 2009 4:22 am | |
| كريم اللى على الكرسى مش استاذ احمد
يا جماعة هوا كريم فيييييييييييييييييييين؟؟؟؟؟؟؟
مختفى عن الانظار؟؟؟؟؟؟؟؟
اللى يعرف هوا فين يقولنا ؟؟؟؟؟؟؟؟ | |
|
| | |
ahmed elattar
Admin
Posts : 1472
Reputation : 6
Join date : 18/04/2009
Age : 44
Location : egypt - elarish
| | موضوع: رد: كريم على كرسى الاعتراف الأربعاء سبتمبر 30, 2009 10:05 am | |
|
كريم هو اللى على الكرسى
بس مفيش مشكلة إنى أرد
لابس الدبلة تعود
وكمان علشان محدش يفكر إنى بدور او عايز اتكلم مع حد المقصود البنات طبعاً
أو اقول كلمة عادية خالص ويفتكر إنى اقصد حاجة
طبعاً الكل عارف البنات بتفكر إزاى
وبالنسبة على اول حاجة بهتم فيها فى الشخص اللى بقابله
على حسب مين الشخص ده
وموضع اللقاء إيه
سواء ولد او بنت
| |
|
| | |
Serious
مشرف
Posts : 820
Reputation : 18
Join date : 02/05/2009
Age : 36
| |
| | |
ahmed elattar
Admin
Posts : 1472
Reputation : 6
Join date : 18/04/2009
Age : 44
Location : egypt - elarish
| | موضوع: رد: كريم على كرسى الاعتراف الخميس أكتوبر 01, 2009 9:50 am | |
|
والله ده يتوقف على دماغ الناس وكمان انتى عارفة معاملتى للكل واحد
يعنى فى الأصل مفيش حاجة تتعمل علشان حد يتكلم
بس الإحتياط واحد
| |
|
| | |
Serious
مشرف
Posts : 820
Reputation : 18
Join date : 02/05/2009
Age : 36
| | موضوع: رد: كريم على كرسى الاعتراف الخميس أكتوبر 01, 2009 2:19 pm | |
| عارفه طبعاا
انا باضحك معاك
انت صدقت | |
|
| | |
| | كريم على كرسى الاعتراف | |
|
؟
