هــــل فـعـلـتـــهـــــا مـن قبــــــــــــل ؟؟؟

السلام عليكم ورحمة الله وبركاته

هل فعلتها مع أختــك من قبــل ..؟؟

جــاوب و بكل صراحــهـ ..

متى أخر مره دعوت اختكـ على مطعم ..؟؟

أو فكرت بالجلوس معها ..؟؟

هل ستكون الاجابه .. بالأمس ..؟؟

منذ شهر ..؟؟

منذ سنه .؟؟

لم ادعوها في حياتي ابدا ..!!

تختلف إجابتكم .. من شخص لاخر ..

لــكـــن .. !!

هل سألت نفسك ..

ماهي رد فعلها لو جربت ودعوتها أو أعطيتها جزء من وقتك

ماالاثر الذي ستتركه في قلبها ..

فجميعنا يعلم أن الأخت تحب أن يكون لها أخ

ترى منه الإهتمام والعطف والحنان ..

فماذا لو افرحت قلب اختك بدعوة الى مطعم أو جلست وتجاذبت معها أطراف الحديث ،

فأنت تحكي لها قصة وهي تحكي لك ...

ربما تقول ..

مشغول ..

مش فاضي لها ..

ولو كان احد اصدقائك لقدمت له عينيك ..

ان ماكنت فاضي لها كما تزعم .. فمن الذي سيفضى لها .. ؟؟

أتريدها ان تبحث عن رجل اخر غيرك .. ؟؟؟

ولو بحثت ستجد .. !!

نعم ستجد تلك الذئاب التي ستعطيها مالم تجده عندك ..

فلتحاولو جميعا أن تعطو أخواتكم شيئاً من وقتكم ..

فهن يستحقين هذا ..

وأنتن يا بنات ما سيكون إحساسكن عندما تجدن لفتة إهتمام كهذه من إخوانكن ..؟؟

لاتنسووو الردود

جاوبوا بصرااااااااااااااحه

البنات نسيت اللى انت بتقوله اساسا
والاولاد طبعا هيقولوا عليك انت رايق او بتهزر ولا مش هيردوا خالص
بس لو الى انت بتقوله بيحصل كان هيفرق جدا فى المجتمع كله مش فى الاسرة بس واعتقد كان الناس هيبقوا اظبط وماكنش هتكتر العقد النفسية اللى ملت المجتمع علشان الاصل فى الاسرة والعلاج اكيد بالحب ومافيش معنى للحب غير الاهتمام

موضوع المطعم ده قليل أنه يحصل فى الأعياد مثلا بس من ناحية الكلام ده بيحصل دايما على سبيل المثال أنا أخر مرة أتكلمت مع أختى تقريبا من أسبوعين بس ده لظروف خاصة لأنها مش عايشة معانا لأنها متزوجة بس ربنا يعلم أنها أكتر من أخت وكنا زى الأصحاب وألى مايعرفوش حد عنى هى تعرفه والعكس طبعا وكمان أعرف أكتر من واحد صاحبى بيتعاملوا مع أخواتهم البنات بالصورة دى وأكتر كمان بس أحيانا الظروف بتحكم أو مشاغل الحياة برضو بتلهى

صديقتي العزيزة serious

علي فكرة أنا مش بهزر بس اللي بقوله ده أكيد البنات عمرها ما تنساه

مهما كانت مشاغل الحياه عارفة ليه ؟

لأنهم دايما بيكونوا محتاجين لحد يقعد يسمعهم ويتكلم معاهم ويكون حنين عليهم

يعني مثلا أنا عندي أخت وحيدة لسه مخلصه كلية يا دوب

واللي أنا شايفه إنها بتحس بحاجة كويسة لما بتكون بينا أنا وإخواتي

ممكن بقا نخرج ونسهر واللي هي عايزاه وبتطلبه مفيش حد بيتأخر عليها

هي وجهة نظر وبتختلف من شخص لآخر

بس أنا مختلف معاكي

وعليكم السلام ورحمة الله وبركاته

طبعا الموضوع ده بيحصل لكن مش كتير

لسببين

الاول كون الاخ مشغول ومش فاضى

او ان دى حاجة مش فى دماغه خالص

ما علينا

اتكلم بالنيابة عن اخويا

على الرغم من ان خروجاتى مع اخويا قليلة جدا جدا

الا اننا تقريبا يوميا بنتكلم

كمان لسا الجمعة اللى فاتت عازمنى على السنيما بس ظروفى كانت مش ظابطة ومروحناش

قبل كده خدنى معاه اختار له هدوم الخروج

ظروف شغل اخواتى هى اللى منعانا من خروجنا دايما سوا

كل الشكر الحبيب العاشق على هذا الطرح

ازيك ضي القمر

عاملة ايه

كلامك أوك مفيش فيه مشكلة بس أكيد انتي قرأتي كلامي في الرد علي سريس

شرفتيني بحضورك

انا اخوي الكبير مش بيخرج معاي خالص بس مش مقصر معاي في اي حاجه اطلبها ومش مضايقة انه مش بيخرج معاي لأن لو اي اي موضوع او مشكلة عادي ممكن نناقشه في البيت و باخد رايه في كل حاجه و هو كمان بياخد رايي في حاجات كتير بس اخوي اللي اصغر مني بيخرج معاي كتير جدا واحنا اصحاب و عادي يعني

هاي روبا

أنا بهنيكي لأنك عندك أخين تمام هو ده الكلام ولا بلاش

بصراحة يا الحبيب العاشق موضوع شيق جدا
بس الحمد لله أنا من الناس اللي تقدر تقول عليهم مش مقصرين مع اخواتهم البنات خالص
يعني قايدلهم صوابعي العشرة شمع
وبيموتوا فيا
وأحلى حاجة في حياتهم إسلام
أو بمعنى أصح كنت أتمنى أكون كده
بس للأسف أنا مليش اخوات بنات
وأعتقد إن اللي ليه أخت بنت ومش مهتم بيها
ملهوش حق يلومها ولا يعدل على تصرفاتها ولا يمشي عليها كلمة
لأن الولد أو الراجل يا إما يهتم بأخته في الحلوة والوحشة يا إما يكون بعيد عنها في الحلوة والوحشة برضو
مش يكون بعيد عنها طول ما هو وهي كويسين ولما تغلط ييجي يحاسبها
أبسط كلمة تتقال له
كنت فين من الأول
وشكراً

ازيك يا اسلام

أنا بحييك علي إهتمامك باخواتك وإن انت قايد ليهم صوابعك العشرة شمع

بس يا ريت توفر الشمع خليه لما الكهرباء تقطع أكيد هنحتاجه

هههههههههههههههههههههههههههه

علي فكرة بهزر معاك

ردك بجد جميل جدا والتفكير منطقي