ياه كنت تعبان وارتحت

مش هقول الكبير كبير علشان دا حقيقى ومش محتاج اواله .

مش هقول والله وعملوها الرجاله علشان هما عملوها فعلا .

رغم كل اللى اتقال فى حق الاهلى وانه هيشوف ماتش لاء لاء اتقال كمان انه هيتغلب فى الماتش دا وان مافيش امل خالص حتى نطلع متعدلين ونوصل لضربات الجزاء.

اللى عايز اقوله ان الاهلى فاز. طبعا دا كله بفضل ربنا اولا واخيرا .

بس الاهلى مش فريق هاوى ولا عضمه طريه تتاكل بسهوله.

ودا طبعا درس عملى لكل اللى بيقولوا غير كدا .

فى اصعب المواقف وفى اشد الظروف ادر يتغلب على كل دا ويجيب الدورى .

بصراحه فريق محترم وفريق يستاهل ان الواحد يشجعه .

بكل مابداخلى من كلمات ابوح بها لكل فرد من افرادالنادى الاهلى مدربا ولاعبين واداريين ومجلس اداره وجماهير عظيمه لكم جميعا كل تقدير واحترام ومثلا يحتذى بيه من باقى الفرق (ياريت كل اهلاوى او مش اهلاوى مش عايزين نخسر حد ياخد الشعار دا وينزله فى الرد بتاعه)

الموضوع كبير والله ويستاهل اكتر بكتير من الكلام دا .

وبرغم كل هذا بشكر اداء فقط لعيبه الاسماعيلى علشان هما عيزين شويه كلام من ناحيه السلوك ونصيحه اخويه الكوره اخلاق وخليك رياضى .

اهلى اهلى او او

اهلى اهلى او او
:hungry:

وأنا بردد وراك أهلى أهلى او او
والله وعملوها الرجالة
يعنى مش زى ماقالوا أخوانا أن لعيبة الأهلى شيوخ وكبروا على الكورة
يعنى مش زى ماقال س و ص أن الأهلاوية المفروض مايدخلوش الماتش أحسن لهم
الفوز ده رد على كل الحاقدين ألى كانوا بيقولوا الدورى ده هدية مننا للنادى الإسملعيلى
ومبرووووووووووووووووووك للأهلى وأرقص يارمزى

الله يبارك فيك ومن فوز لفوز ان شاء الله.

ونفسنا والله كل الفرق تكون كويسه علشان يبقى الدورى جامد.

بس ياباشا انت نسيت حاجه مهمه؟ فين الشعار بتعنا لازم نقوله :hungry:

ياباشا إحنا روحنا رياضيه وبنقولوكو مبروك

ومبروك باللون الأحمر وفى النص كمان ياعم ولا يهمك

الله يبارك فيك وعقبلكم كمان ياعم بس بعد عمرا طويل

ومتشكر على اللون الاحمر ومتشكر اكتر على الروح الرياضيه ومتشكر اكتر واكتر(موت) على اهتمامك بالموضوع وعلى كلامك الجميل دا :biggrin: