عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ,, ها عامل اية دلوقتي ؟
المفاجأة انه يرد عليها الحمد لله بقيت احسن
(كدة بالسهولة دي تقولش واخد حبة البركة )
------------ --------- -------
عندما يصل البوليس الي موقع الجريمة دون ان يبلغه احد
(تقريبا المخرج هو اللي بلغ علشان يصور اومال هيصور ايه)
------------ --------- --- --------- --------
عندما تقول البطله للبطل انها حامل فيرد البطل على طول .. اللي في بطنك ده لازم ينزل
(غالبا بيكون يوسف شعبان)
------------ --------- --------
عندما تفاجئ باغنيه مالهاش أي لزمه في نص الفيلم
(مش عارفين اية العلاقه بين الاغنية والفيلم)
------------ --------- ------
عندما يكون من المستحيل ان تجد الهاتف مشغول
------------ --------- --------
العبارة الساذجة الشهيرة التي تصطحب مشهد القبض علي المجرم
(مفيش جريمة كاملة وانت فاكر انك هتهرب من البوليس بعملتك دي)
------------ --------- --------
عندما يصب البطل من زجاجة المشروبات الكحولية في كوب زجاجي طويل فيمتلئ لاخره وكأنه يصب عصير قصب
------------ --------- --------
عندما يخرج الطبيب من غرفة العمليات يرد جملة من ثلاث جمل
(اضطرينا نضحي بالجنين
(شدو حيلكوا يا جماعه)
(العمليه نجحت بس مش هتقدروا تشوفوه دلوقتي)
------------ --------- -------
عندما
يجلس البطل والبطله في نفس الكازينو بتاع كل فيلم اللي في "وش ماسبيرو"
ويطلبوا نفس العصير اللي في كل الافلام (تانج او ميراندا)
ويخلص المشهد دون ان يقترب احد من الكوبيين
------------ --------- --------
عندما
يصاب البطل بطلق ناري في قلبه وتنزف الدماء من بطنه زي صلصلة الكشري ويظل
يتحدث بطلاقه وتركيز لمدة خمس دقائق ، يقوم خلالها بفك لغز الفيلم
والاعلان عن القاتل الحقيقي او البطل يبقي ابن مين
------------ --------- -------
عندما تسمع صوت عالي لاحتكاك كاوتش العربيات اللي بتطارد بعض وتقريبا بتبقي عربيات 128 بسرعة لاتزيد عن40 كيلو
------------ --------- --------
عندما تتناول الابنة الفطار وهيا واقفة وبتاخد لقم سريعة
فتقولها الوالدة: ماتفطري يابنتي كويس ؟
تقولها: لا علشان عاوزه الحق المحاضرة
وتبوسها وتمشي ، فتنظر الوالدة الى الوالد ويبدأن في الدعاء
------------ --------- -------
عندما تغير حرب اكتوبر اخلاق كل المنحرفين
الموظف المرتشي والجاره اللعوب والبلطجي والمجرم بطبعه
------------ --------- -------
عندما تجد مقر العصابة ملئ بالقش والبراميل الخشبية التي تستخدم لاحقا في الخناقة
------------ --------- --
عندما ينجح هذا الفيلم
................
عندما ينتصر الحب وتتزوج البطله بنت العائلة الكريمة وتتزوج البطل (البيئة
.....................
منقول من كتاب شكلها باظت
الأحد مايو 30, 2010 7:09 pm
