إحساس الضـوء

موضوع: إحساس الضـوء الإثنين أكتوبر 26, 2009 6:19 pm

..
عساك بخير
كثر مايحمل احساسك
نوايا خير
و كثر ما قلبي يتمنى
تكون بخير
تعبت اسأل عليك الناس
واطمن قلبي والاحساس
وانك لو بعدت بخير
عساك بخير

تعبت اناظر القمرا
عسى شوفك يجي بشوفي
تعب من ها الصدى صوتي
وتعبني عليك خوفي
وانك لو بعدت بخير
عساك بخير

غريبة دنيتي بدونك
أشوف وفاقد عيونك
ولا ادري كيف انا للحين
اعيش ايامي من دونك
وانك لو بعدت بخير
عساك بخير

شعر .. فهد التوم
..

___

النورس
..

..

..
ما لقى النورس أهل
الطلب ما هو سهل
و انكسر فوق الصواري
بين غزل الأشرعة
من يمنعه
ما ينتحر في هالزمان
و من يحاول بس مره يقنعه
أن الوجوه اللي يشوف
فعلاً وجوه
ما هي مجرد أقنعه
بس من يقدر يقله
و يرشد النورس .. يدله
عن مدن ما فيها ليل

و خل .. ما فارق
و عاشق .. ما نسى
في يوم خله
بس من يقدر يقله
لا تطير ..
مظلوم هالنورس كثير
يوم حي و عشره ميت ..
بس .. ميت في جذور الحلم
و الأرض اللي حبته
و تربى بظلها
وهو صغير
قبل يتعلم يطير
و مد روحه
وسط بوحه
وصار جيش من الأماني
و أعلن لكل المواني
أن في الدنيا أغاني
ما تموت ..
لو يطول أبها السكوت
و أن ذا حال النوارس ..
من خلقها الله
دايم في اغتراب
و في المنافي
تنولد مره
و تموت ..

علي عسيري

..

____

لو تنثر أحلامي ..برجع أرتبه
..

..
ما بنكسر صابر
لو فرصتي تمضي
والحظ لو عاثر
بصنع انا حظي
لو تنثر احلامي .. برجع ارتبها
ولو تصعب ايامي .. بعيش وما احسبها
يا ما اسهل الدنيا مهما تعاندنا
عادي .. التعب عادي .. والهم هو ملحه
ولو ما الحزن بادي .. ما نفهم الفرحة
ما بنكسر صابر لو فرصتي تمضي
والحظ لو عاثر بصنع انا حظي

شعر .. عبدالرحيم الصديقي

..

___

رياح الليالي
..

..
أونّ وريـــــاح الليــــــالي تـــــــونِ
والبرد في جوفٍ كما الغـار خــاوي
مــاكن لــي قلـــبِ ولاعقــــل كنـــي
جذع وقــف فــي وجـــه الايام ذاوي
وبـــي عبـــرةٍ محبوســــةٍٍ تمتحنــي
في عيني وحلقي وصدري شكـاوي
وبي من قديم الـوقت جــرحٍ مكنـــي
وبــي من جديد ايــام وقتي مِكــاوي
إن قلت زانت خالف الــوقت ظنـــي
وان قلــت هـــانت عاجلتني بـلاوي
أجــــامــل ايــــامي ولاجــــاملنـــي
هامت بــي الدنيــــا هيــام الخلاوي
الوقت جايـر والليالـــي اسهــرنــي
والحــــزن مابين الضــلوع متلاوي
أون وكـــــــلٍ يحسب انــــي أغنــي
عليــل وكــــلٍ يحسب انـي مــداوي

شعر .. خالد الفيصل
..

___

اذكريني
..

..
اذكريني بأول أنفـاس الفجـر
مع نسيم الصبح لا هب العطر
ولـ اكتمل وجه القمر وأصبح بدر
اذكريني .. واكتبي لي لو سطر

واذكريني

اذكـري يوم التقت نظراتن
والأمـاني .. داعبت أرواحن
كنه الدنيا اصبحت انتي وأن
ولا مضى يومك بلا ساعه فرح
ولا اختفى من واهج القلب المرح
ولا ترادى فكرك بشك وسرح
اذكريني .. واكتبي لي لو سطر

واذكريني

اذكري اللي قد تولع في هواك
في جلال الخلق في روعه حلاك
وان سلوك الناس عمره ما سلاك
من عرفتك وانا ما غيرك اشوف
ضيف شوقي بالغلا حولك يطوف
اكرميه ..اكرميه بفزتك له ياهنوف
اذكريني .. واكتبي لي لو سطر

واذكريني ..

شعر .. الساري

..

..

اي خدمة يا حوده إحساس الضـوء 144586

شكرا لمجهودك الرائع